Зараагийн 1 дүгээр багийн Иргэдийн нийтийн хурал 2016 оны 12 дугаар сарын 04-ний өдөр болж өнгөрлөө. Хуралдаанд 164 иргэн оролцлоо. Багийн Засаг дарга П.Батдалай 2016 онд хийсэн ажлын тайлангаа тавьж, иргэдээс 2017 онд Орон нутгийн хөгжлийн сангаар хийгдэх ажлын саналыг авлаа. Дараа нь багийн Иргэдийн нийтийн хурлын дарга, Засаг дарга нарын сонгуулийг явуулж,  Иргэдийн нийтийн хурлын даргаар Пунцагмаа овогтой Батдалай, багийн Засаг даргаар Гончигжав овогтой Өлзийбат сонгогдлоо.