Уртын гол 2 дугаар багийн Иргэдийн нийтийн хурал 2015 оны 09 дүгээр сарын 05-ны өдөр багийн төв дээр боллоо. 148 иргэн хуралд ирж ирц хангалттай байлаа. Хуралдаанаар сумын түүхт 60 жилийн ой болохтой холбогдуулан багийнхаа иргэдээс Төрийн дээд шагнал, улсын сайн малчин, аймгийн сайн малчинд тодорхойлох, малжуулах төсөл, өвөлжөөний хуваарийн тухай, иргэдийг бүлэгт хуваах тухай асуудлуудыг хэлэлцэж баталлаа.Багийн мянгат малчин Б.Буянтогтох, Б.Баторших, Д.Бямбацэрэн нар малгүй 3 өрх болох Б.Батаа, Мягмар, Ариунаа нарт  Мянгатын хишиг гэж тавь тавин мал өглөө. Сумын хамгийн олон тэмээтэй мянгат малчин С.Бямбасүрэн  малтай болсон 3 өрхөд нэг нэг уналганы тэмээ эргэлт буцалтгүйгээр өгсөн нь сайхан үйл явдал боллоо. Малжуулах төсөлд 3 иргэнийг санал хураалтаар сонголоо.  Малчин Төгсжаргал хамгийн цөөн малтай өрх Д.Баяндалайд 5 эм ямаа, 5 эм хонь өглөө. 8 өрхөд шинээр өвөлжөө олголт болж, 7 бүлэгт иргэдийг хувааж өвөлжөө хаваржаа тохижуулах , худаг ус сэргээн засварлах болзолт уралдаан зарлалаа. Багийн шинэ сумын төв шинээр баригдахаар хундаамын ажил эхэлсэн байна. Багийн иргэдийн нийтийн хурал хэлэлцэх асуудлуудаа амжилттай хэлэлцэж иргэд сэтгэл хангалуун гэрийн зүг  явлаа.