Нутаг усны минь сүр сүлд болсон буурал уулс үе дамжин бидний зүрх сэтгэлд хоногшин, хүндлэл бахархлыг төрүүлсээр ирсэн юм. Зүүн сугандаа "Ээж", баруун сугандаа "Түшмэд", хараан дороо "Хатан" хайрханаа суулгасан Залаа Жинст хайрхан уул замбуулинд ганцхан байдагт эргэлздэггүй.Залаагийн өвөрт тахилга сүлдээ дуудуулахаар зориуд бэлтгэсэн мэт дэвсэг байдаг бөгөөд дэвсгэр дээр олон зууны туршид өтгөс буурлуудан босгосон сүрлэг сайхан овоо байдаг. Далайн мандлаас 2257 метр өргөгдсөн нь манай нутгийн хамгийн өндөрлөг цэг юмаа. Нутгийн сүр болосн буурал хангай минь алт эрдэнэсээр арвин, амьтан хүнийг эмчлэх түмэн ургамалтай, ховор ан амьтад элбэгтэй, сэтгэл татсан сайхан нутагаа. Зала хайрхан уул маань гадны хүнийг өөд татваг, гадагш яваа нутгийн ардыг сайн сайхан явуулдаг буянтай гэлцдэг.