Баянхонгор аймгийн Шинэжинст сумын ИТХ
Баянхонгор аймгийн Шинэжинст сумын ИТХ
албан ёсны сайт албан ёсны сайтСэгс цагаан богд найраглалын 50 жилийн ой боллоо
2019-10-25
Шинэжинст сумаа сурталчлах аяны нэг томоохон арга хэмжээ нь "Сэгс цагаан богд" найраглалын 50-н жилийн ойг тэмдэглэн өнгөрүүлэх арга хэмжээ байлаа. Энэхүү арга хэмжээний хүрээнд "Сэгс цагаан богд" найраглалын хөшөөний нээлт, нээлтэнд зориулсан "Сэгс цагаан богд" найраглалыг хэн сайн унших вэ? уран уншлагын уралдаан, найраглалын яруу найргийн наадам зохион байгуулагдсан байна. Энэ арга хэмжээнд Монгол улсын Хөдөлмөрийн баатар, Ардын уран зохиолч, төрийн шагналт яруу найрагч Дэндэвийн Пүрэвдоржийн шавь "Болор цом"-ын эзэн яруу найрагч Дамбын Төрбат, Монголын Зохиолчдын эвлэлийн тэргүүлэгч, "Болор цом"-ын эзэн яруу найрагч Норовын Гантулга, "Дэндэвийн Пүрэвдорж сан"-гийн тэргүүн хатагтай н.Нямцэцэг, Д.Пүрэвдорж гуайн охин П.Халиунаа, Д.Пүрэвдорж гуайн гэр бүлийн найзуудын "Шувууныхан" группын тэргүүн Дамба, тэргүүлэгч Онц бөгөөд бүрэн эрхт элчин сайд, Соёлын гавьяат зүтгэлтэн н. Цахилгаан, гэргий н.Гапилмаа, тэргүүлэгч н.Ганболд нарын болон Аймгийн зохиолчдын хорооны тэргүүн Б.Жавзандулам, нарийн бичгийн дарга Х.Тунгалаг, Улаанбаатар хотын Нутгийн зөвлөлийг төлөөлж Төр, захиргааны ахмад ажилтан Л.Базаррагчаа, хүү Б.Ганбат, нутгийн унаган хүү яруу найрагч Д.Жаргалсайхан, Баянхонгор аймгийн Нутгийн Зөвлөлийг төлөөлж Төр, захиргааны ахмад ажилтан Ш.Гомбосүрэн болон Н.Ганхүү, Б.Мөнхтогтох нар хүрэлцэн ирж хүндэтгэн оролцлоо. Уран уншлагын хүүхдийн уралдааны бага насны ангилалд 10 настай Э.Шүрэнчимэг түрүүлж, 10 настай Ө.Бадмаараг, 5 настай Б.Эрхэмбаяр нар удаалж, дунд насны ангилалд 13 настай А.Баясгалан түрүүлж, 15 настай О.Баасанбат, 15 настай М.Өсөхжаргал, 16 настай М.Нарандэлгэрмаа, 14 настай С.Чинболд нар удаалсан байна. Уран уншлагын насанд хүрэгчдийн ангилалд Ц.Бямбадорж тэргүүлж, Б.Пүрэвсүрэн, А.Дэнсмаа, Б.Мөнхтогтох, Х.Тунгалаг нар удаах байранд шалгарсан байна.