Манай сум 2019 онд орон нутгийн хөгжлийн сангийн хөрөнгөөр 11 ажил хийхээр төлөвлөж хурлаар батлуулан худалдан авах ажиллагааны төлөвлөгөөг Худалдан авах ажиллагааны tender.gov.mn сайтад нийтэлсэн.
Орон нутгийн хөгжлийн санд эхний хагас жилд ТА-3 төслөөс урамшуулал 69911,7 мян төгрөг, Орон нутгийн хөгжлийн сангаас 51000,0 мян төгрөгийн санхүүжилт, өвс тэжээлийн үнэнээс 57936,5 мян төгрөг төвлөрсөн.
Зарлагдаж байгаа ажлуудын тендерийн урилга, ТББ-ийг Худалдан авах ажиллагааны tender.gov.mn сайтад цахим хэлбэрээр байршуулж зарлан гүйцэтгэгчийг сонгон шалгаруулж байна.
Өнөөдрийн байдлаар Хогийн машинтай, ковш трактортай болох ажлуудын тендрийг зарлаж гүйцэтгэгч ирээгүй учир үнэлгээний хорооноос Засаг даргат шууд гэрээ байгуулах зөвлөмжийг хүргүүлэн Хогийн машинтай болох ажил; гүйцэтгэгч санал ирүүлж шууд гэрээ байгуулан хогийн машиныг авч хогийн машинтай болсон.
Хогийн машиныг тохижилт үйлчилгээний албанд хүлээлгэн өгч Уртын гол 2-р багийн иргэн Н.Дашдаваад гэрээгээр эзэмшүүлэн ашиглаж байна.
Өвс тэжээл бэлтгэх ажлыг Хонгор шинэ агро ХХК-тай гэрээ байгуулан өвс тэжээлийг бэлтгэн өвлийн бэлтгэлийг ханган ажилласан.
Өнөөдрийн байдлаар өвс тэжээлийн үнэ 57936,5 мян төгрөг дансанд төвлөрөөд байна.