Баянхонгор аймгийн Шинэжинст сумын ИТХ
Баянхонгор аймгийн Шинэжинст сумын ИТХ
албан ёсны сайт албан ёсны сайт"Хүүхдээ сонсоё хамтдаа шийдье" хүүхдийн чуулган боллоо
2019-04-25
Сумын "Хүүхдээ сонсоё хамтдаа шийдье" Хүүхдийн чуулган маш амжилттай зохион байгуулагдлаа. Чуулганыг сумын ИТХ-ын дарга Д.Готовдорж, сургуулийн захирал Ш.Даваацэрэн нар нээж үг хэлэн амжилт хүсэж, авъяаслаг хүүхдүүд урын сангаасаа толилууллаа. Чуулган нь нээлт, сургалт мэдээлэл, хүүхдийн лекц сонсгол, дүгнэлт хаалт гэсэн үндсэн 4 хэсгээс бүрдсэн байна. Чуулганд Хүүхэд хамгаалал-эрх зүй, Цахим орчин-эрүүл мэнд, Хүүхдийн хүмүүжил гэсэн агуулга дор сургалт мэдээлэл хийгдэн, анги бүлгээрээ ярилцан сум, сургуулийн орчин, хүүхдийн эрх, хамгаалал, сургалт, хүмүүжлийн ажил, хүүхдийн хоорондын харилцааны чиглэлээр олон асуудал дэвшүүлсэн лекц, сонсголыг хүүхдүүд өөрсдөө гаргаж ирэн танилцуулсан нь маш үр дүнгээ өгөх, цаашид анхаарах ажил, арга хэмжээ боллоо. Сумын удирдлагуудын зүгээс хүүхдүүдийн гаргасан үнэ цэнтэй санал, санаачлагыг хүлээн авч, багуудын ИНХурал, нэгдсэн арга хэмжээн дээр хүүхдүүдийн бие төлөөлөгчөөр саналыг нэгтгэсэн лекц сонсголыг хийлгэх болон хэрэгжүүлсэн арга хэмжээ, хийсэн ажлаа намрын Хүүхдийн чуулганд танилцуулга хийхээ амласан байна. Нэрлэсэн жилийн хүрээнд хэрэгжүүлэх хүүхдийн дүрмийг нэгэн дуугаар чанга уншиж чуулганы хаалтыг хийлээ. Хүүхдүүдийн гаргасан нэг онцлох санаа бол эцэг, эхчүүд өөрөө хүүхэддээ үлгэр дууриалал үзүүлэн, цахим орчинд удаан ордог, утсаа ухдаг байдлаа багасгаач, болиоч ээ.гэснийг онцлон дурдлаа.
